منتديات نادي مدينة 6 أكتوبر الرياضي

كده رضا و كفايه 11 سنه يا رضا
مش حتبقى انت و البنزين و السولار و الزيت و الرز
الديمقراطيه هيه تداول السلطه مش التتبيت فى السلطه
ارحمونا يرحمكوا ربنا ....حنلاقيها من بره النادى و لا من جوه النادى ديه بقت حاجه تفرس

كفايه كده عليك يا باشمهندس انت اخذت اكثر من حقق 11سنه محدش يحلم بيهم ادى الفرصه لغيرك يغير ما أفسته انت والساده الاعضاء وبصراحه الكرسي ده كبير اوى بس يا جماعه احنا عوزين رئيس يكون شخصيته قويه

الإخوة والأخوات
wahdamafrousa
atef

شكراً على رديكما ، وفي انتظار ردود باقي الإخوة الزملاء على موضوع التهديد
وقد نما إلى علمي اليوم الأربعاء 7 مايو 2008، أن السيد/ رضا عامر قد أحال موضوع المنتدى برمته ، إلى السيد المستشار يحيى إسماعيل ( المستشار القناوني الجديد بالنادي) لإبداء الرأي ، فيما إذا كان السيد رضا عامر سيسمح للمنتدى بالإستمرار أم يلغيه سيادته !!!!

نِعمَ الديمقراطية
ونِعمَ الحرية
ونِعمَ الإدارة لنادينا
وإذا أُغلق المنتدى ، فلله الدوام في قناة التواصل الوحيدة فيما بيننا !!!
وأمامنا القضاء الإداري، والله المستعان.

دي أول مرة أدخل فيها المنتدي والحقيقة جميل جدا وشكرا للقائمين عليه
اما بقي حكاية ان كفاية 11 سنة علي المهندس رضا فأنا مش مع الكلام ده لو هو صالح فعلا للمكان
لأنه لو صالح للمكان ياربيقعد 100 سنة وعندنا صالح سليم ، شوفوا قعدكام سنة
والمهندس عبد المجيد ماهو كمان قعد 10 سنين، صحيح عمل في 10 سنين اللي كان لازم يتعمل في 20 سنة لكن قعد10 سنين
وانا بقول ان المهندس رضا كفاية عليه كده مش عشان طول المدة ،،، ابدا
لكن عشان الحمل أكبر منه
هو احسن نائب في مصر
لكن رئيس نادي ؟
صعبة شوية ، وده مايقللش منه لكن لكل انسان قدرات

أما بقي حكاية انه يشطب اللي يتكلم ويقفل المنتدي والكلام ده ، فأنا أعرف انه أذكي من كده
واذا كان علي الكلام اللي بيزعله في المنتدي نقوله
الله يكون في عون المهندس عبد المجيد اللي عمل ده كله واتقال عليه سمسار وكلام يعف اللسان عن ذكره
وما شطبش حد ولا حاجة
واسألوا نوفل

والف شكر للمهندس رضا والمجلس انهم عملوا لنا المنتدي الجميل ده
وشكرا

[b]
السيد المهندس صبرى النجار
المنتدى ليس ملك لأحد وليس ملك للمهندس رضا عامر أو المستشار يحيى اسماعيل مع كامل احترامنا وتقديرنا لسيادتة ، سيظل المنتدى ملتقى لكل فكر حر مادام صاحب القلم ملتزم بأداب الحوار وملتزم بتقديم ما يؤيد اتهامته ، وأرجو أن تجد العذر للمهندس رضا فهو يستعد لخوض الانتخابات القادمة ومش ناقص وجع دماغ المنتدى وعموما رأى المستشار يحيى اسماعيل هو رأى استشارى وهو رجل محترم وابدا لن يكون محلل لقرارت رضا عامر أو المجلس .
وأنتظر يا أخ صبرى موجه من النقد علينا من مجوعة تابعة له ( أمثال السيد أسامة والذى لم يعلن عن هويته ) لذا سوف أتقدم باقتراح لتنظيم أعمال المنتدى أولها أن لا يسمح بالاشتراك فيه الا لأعضاء النادى فقط وبعد التأكد من هويتهم وعضويتهم بمعرفة مدير المنتدى ويسمح للأخرين بالاطلاع فقط دون تدوين أرائهم .
وعموما فأنا أفتح صفحات جريدتى لكل رأى حر ملتزم يتحمل مسئولية كل ما يكتبه وأنا ضد التهديد بالفصل أو غيره والمجلس لن يتم تشخيصه فى فرد واحد ما داتمت أنا وعلى أغا وعبد اللطيف وهانى وأخرين أعضاء فيه ولا تنسى أبدا أن حينما تفتح نافذه للحرية لا يمكن أن يغلقها عاقل .
وحيد حمدى - عضو مجلس الإدارة

فوجئتُ بما حدث في اللقاء الشهري مساء الخميس 1 مايو 2008، من أولياء أمور السباحةِ وقوتهم في عرض مشاكلهم والتي كنتُ أظنُّ أنها لعبة ذات مشاكل قليلة ، ولكني سعيد بقوتهم في طلب حقهم.

وأتمنى من أولياء أمور باقي الألعاب أن يحذوا حذو أولياء أمور السباحة.

اعلن السيد رضا عامر رئيس مجلس الإدارة بالانابة على الملأ أنه قد صدر خطاب من المجلس القومي للرياضة ووصل الى المديرية وسيصل للنادي يوم الأحد ( الماضي ) وفيه نتيجة تظلم الاستاذ جمال غيث وهي بالرفض وأنه بوصول الخطاب يوم الأحد فسيعود اللواء ابراهيم عبد الفتاح لممارسة عمله مديراً للنادي يوم الآثنين- وبعد مرور اسبوع لا وصل الخطاب ولا عاد اللواء ابراهيم ...هل من تفسير ؟؟؟
عموما فهذا استمرار لسياسة التصريحات غير الصحيحة وغير الصادقة تضليلاً للاعضاء الذين سيأتي يوم ويفيقون من الوهم والتضليل

الأخوة الأعزاء أعضاء النادى الكرام
في المجلة اللى وزعها مجاس الادارة في شم النسيم وفى الصفحة الأخيرة قرأنا انجازات الشئون
الادارية وفيها أنها وفرت للنادى حوالي مليون جنيه من حاجات كتير - ياترى دا صحيح ولا
بيضحكو علي الأعضاءزى العادة ؟؟ واهي حاجة باكلو بيها عقل المجلس
حاجة تانية فى أول انجازات الشئون الادارية بيقولو عن تنفيذ خطة وقاية من الحشرات ؛؛ وأنا باسأل
هل الفيران تعتبر من الحشرات ولا من الحيوانات الأليفة ؟؟؟ ارجو من الاعضاء زيارة قطيع الفيران اللى ساكن فى مكتب الأنشطة (مبيت فقط) لأن الأكل والشرب من المطعم اللى لازق فى
السكن بتاعهم !!! واللى مش مصدق يروح يقعد شوية فى مكتب اللأنشطة أو يسأل الموظفين
اللى فيه ، وهي مناسبة لتحذير الناس من الأكل في المطعم لأن حجم الفيران اللى شفته يغرى
بعمل كفتة لذيذة - وبالهنا والشفا للأكيلة - وبالتوفيق يابتوع الحشرات اللى لقيتو حد تضحكو عليه وتاكلو بعقله حلاوة
وينشر الهجص اللى بتقولوه وأهو أكل عيش ورزق الهبل على المجانين .
على فكرة الاستفتاء على المطعم في المنتدى بيقول ان 73% من الاعضاء قالو ان المستوى ضعيف
أبو طاقية الأصلى

السلام عليكم ورحمة الله وبركاته :

اعضاء النادي الكرام

تعالوا نتفق جميعا علي راي واحد وهو ان جميع اعضاء مجلس الادارة الحالي او السابق مع احترامي وتقديري لهم جميعا لايصلحون لادارة نادي 6 اكتوبر خلال الفترة القادمة ويجب ان يتنحي جميع الاعضاء ويتركوا المجال لافراد آخرين وقيادات اخري تكون قادرة علي تطوير ورفعة شان النادي بلا اية مصالح او اغراض ايا كانت والنادي ولله الحمد مليئ بالشخصيات القادرة والمحترمة القادرة علي ذلك ولكنهم بناون بانفسهم عن المشاكل والشبهات فالنادي مليان ملاحظات وقرارات كثيرة غير واضحة المعالم . ياريت اجد من يوافقني علي هذا الراي ونبدا من الان في البحث عن من يكون الرجل المناسب في المكان المناسب
ولكم خالص تحياتي ,,,,

استاذ محمد ناجي
فعلا فيه كتير في المجلس جم في غلطة انتخابية وما كانوش معروفين لا قبل الانتخابات ولا دلوقت

زي الصيدلي اللي سمعنا عنه كلام كتير الله اعلم صح ولا غلط

المهم ان اللقاء الشهري كان فيه خناقات كثير من اولياء امور السباحة
هل الكابتن محمد البلتاجي حقاني في مواضيع السباحة مع الاولاد
هل بيرتب سبوبة لاصحابه في الكلية علشان ييجوا النادي مدربين
وليه اولياء الامور معترضين على كل تصرفاته

اما اللقاء بعد خناقات السباحة والقدم وجدنا فيه مجموعة جت مخصوص للشوشرة على كل اللي يعارض المهندس رضا عمر
المجموعة دي فيها الاسطى سيد الميكانيكي في شركة جنرال موتورز
ومحفوط نوفل المحاسب خريج كلية تجارة عن شمس ومش عجبه كليته وعايز الناس تعتبره قاضي وتقول له يا مستشار
و الاستاذ عادل و الاستاذ عبد الحميد

ياترى رضا عامر هايقابل اعضاء النادي في للقاء الشهري بعد بكره الخميس 5 يونيو علشان يكسب اصواتهم في انتخابات 28 اغسطس 2008 ؟

ولا خايف من الأعضاء بعد تنازله عن قضايا ارض الندي في خطاب رسمي وفي نفس الوقت بعد إنكاره نهائيا انه فكر في التنازل في الورقة البيضا اللي طبعها في شم النسيم، وبعد ما ظهر قدامنا في لقاء مايو انه ماعندوش تفويض من المجلس في التنازل ولا حد كان في المجلس يعرف انه كتب للوزير عن التنازل

بصراحة موقفه صعب
يقابل الاعضاء ولا يتفادى اسئلة محرجة بعد ضياع ارض النادي؟

ياترى محمد البلتاجي هايستمر في تعيين صحابه في النادي ؟
وليه هو مستمر في المجلس؟

وفين عصام الملاح اللي مالوش صوت؟ إيه دوره دلوقت ؟ وازاي يجمع اصوات الحزب الوطني والإخوان في وقت واحد رغم ن الاثنين ما فيش عمار بينهم إلا مع عصام الملاح

هو موقفه إيه بالظبط ، إيى الله قدمه للنادي من يوم ما دخل الانتخابات ؟
هل عنده إجابة ؟